1
Sie sag'n: ja sicher, des is ganz o.K.
Dass i irgendwann in d'Rent'n geh
Doch leider hat der Staat zu wenig Geld,
Des is heit überall so auf der ganzen Welt!
I soll hackl'n bis siebzig, do is do nix dabei!
Und schaun, dass i g'sund bleib, des is a ka Hexerei!
Und wüll i dann net zu vü Kohle verliern,
dann muass i fia mei Pense auf der Börse spekuliern!
Ref.:
Doch meine Aktien falln (falln, falln…)
Die Kurse rutschen in' Keller!
Mei Gerstl kann i ma maln (maln, maln…)
De Talfahrt geht immer schneller!
Da hilft ka jammern, ka bitten,
Es gibt kane Renditen,
überall rote Zahl'n:
meine Aktien falln!
2
I bin jetzt nimmer ganz so jung,
wär Zeit vielleicht fiar an Karrieresprung!
Hab mi beworben in Abteilung drei,
dort is nämlich der Leiterposten frei!
Doch der neiche junge Schnösel in der Armani-Panier,
den siech i dauernd aus und ein gehen beim Chef seiner Tür!
Do brauchst nur zwa und zwa zammzöhln, dann kennst di scho aus,
und mir wird immer klarer: i hab gar ka Chance!
Ref.:
Weil meine Aktien falln (falln, falln).
Mei Kurs, der rasselt in' Keller!
Den Posten kann i ma maln (maln, maln),
Der smarte Youngster war schneller!
Mir steigt s'Bluat in mein Schädl,
i bin wieder der Wed'l,
Nur de Faust kann i ball'n:
Meine Aktien san g'fall'n
3
Die klane fesche Blonde mit die Veicherlaugen
schaut mi immer so liab an, die tät ma scho taugen!
Seit a paar Tag sitzt's im Büro übern Gang vis a vis,
Und i sag zu mir selber: hearst die wär doch was fia di!
I denk die ganze Zeit nach, wie i bei ihr landen könnt,
Und überleg ma so manches klane Kompliment.
Doch in der Kantin' gestern Mittag hat's mi g'schreckt,
Wie so a solariumbrauner Muskelprotz den Arm um sie legt
Ref.:
Meine Aktien falln (falln, falln…),
I bin halt ka Bodybuilder!
De Schnitten kann i ma maln (maln, maln…),
Zum Trost denk i: vielleicht schielt er?
Da hilf ka sudern, ka trenzen,
A ka flennen, ka penzen,
Es wird nix mit der Schnall'n:
Weil meine Aktien fall'n!