1
A klaner Straf'n Himme zwischen die Häuserzeil'n
Der schaut ums Eck und lacht mi freundlich an
I brauch mi nimmer in mein finstern Loch verkräuln
Und i kann mi endlich wieder ausse traun
Refrain:
A ruhiger See, wo i mei Seel drin bad'n kann
Und a Sunn, de mi nur wärmt und net verbrennt
Und die Zeit hoit fia r an Augenblick den Od'n an
Und die Ewigkeit schrumpft zamm auf an Moment
2
Die Insel zwisch'n de Rosn und der Brombeerstaud'n
Der Flieder schickt a unsichtbare Well'n
Dort kann i gmiatlich meine Wolkenschlösser baun
Und die Grashalm und de Birkenblattln zöhln
Ref….
3
Entfernt hearst wia de Tramway um de Kurv'n quietscht
Doch des kummt aus aner andern Welt
Weil'sd' des Gfüü hast, dass'd jetzt nimmer neb'n dir selber sitzt
Und dir gar nix mehr den Blick auf di verstellt
Ref….